Celular i Motorolas me dy kamera

Dy kamera brenda celularit nuk janë ndonjë risi, mirëpo kur të dyjat gjenden në të njëjtën anë të pajisjes, kjo definitivisht bëhet lajm. Pikërisht në këtë ide, ka ardhur dizajnerja Lysandre Follet.Dizajnerët industrialë kanë ide të ndryshme, mirëpo disa prej tyre asnjëherë nuk mbijetojnë në aspektin komercial. Sa i përket konceptit të Motorolas STEREO, kjo ide në shikim të parë na duket shumë interesante.

Dizajnerja Lysandra Follet nga ana e jashtme e pajisjes, të cilën e ka quajtur Motorola STEREO, i ka vendosur dy kamera. Vet emërtimi i pajisjes dhe dy kamerat e integruara sugjerojnë që pajisja do të duhej të kishte mundësi të incizojë fotografi tredimensionale “stereo”. Secila kamerë ka edhe blicin e vet.

Sa u përket çështjeve tjera teknike, ato mbesin të panjohura marrë parasysh që Motorola STEREO jeton ekskluzivisht si fotografi e paraqitur dhe ide në kokën e dizajneres Lysandre Follet.

Mariah Carey nuk u beson meshkujve

Këngëtarja, Mariah Carey, e cila e ka përfunduar martesën e dikurshme me Tommy Mottola që në vitin 1998, thotë se ajo nuk u beson meshkujve.37-vjeçarja, e cila aktualisht nuk është në lidhje me ndonjë mashkull, e ka të vështirë të krijojë një lidhje të re sepse ajo është paranoike, se mos ndoshta të dashurit do ta komprometonin me ndonjë akt të pahijshëm. “Ne jetojmë në një botë me një teknologji shumë të zhvilluar, prandaj e kam të vështirë t’i besoj dikujt”, ka thënë ajo.